Kataloniyaning “Barselona” klubi “Liverpul” yarim himoyachisi Filippe Koutinyoni 160 million yevro evaziga sotib olib rekordni yangiladi.

Ya’ni “anorranglilar” bir mavsum ichida eng ko‘p xarajat qilgan jamoaga aylanishdi. “Barselona” yozgi va qishgi transferlar mavsumida futbolchilar xaridi uchun 312,5 million yevro sarfladi.

Bu harajati bilan ular “Real” o‘rnatgan rekordni yangilashdi. “Qirollik klubi 2009/10 yil mavsumida Krishtianu Ronaldu, Kaka va boshqa futbolchilar uchun 257,4 mln yevro sarflashgandi. 

Ammo  PSJ Kataloniya klubidan ko‘proq xaridlarga pul sarflagan. Ammo ular moliyaviy feir-pley qonuniga amal qilmaganliklari uchun ro‘yxatdan chiqib ketishdi.

APL jamolari ichida eng ko‘p pul sarflagan jamoa bu “Manchester Siti” bo‘lib turibdi. “Shaharliklao” umumiy transferlar xaridi uchun 250 mln yevro sarflashdi.

Ma’lumot uchun, Barselona bu mavsumda Koutinyo (120+40 mln yevro qo‘shimcha bonusi bilan) Usmon Dembele (105 mln yevro), Paulinyo (40 mln yevro ), Nelson Semedu (30,5 yevro), Jerar Deulofeu (12 mln yevro), Marlon (5 mln yevro), Rafa Mira (15 mln yevro) kabi futbolchilarni saflariga qo‘shib olishgan.