JCH-2018 saralashining pley-offida Shimoliy Irlandiya va Shveysariya o‘rtasidagi birinchi uchrashuvni boshqargan hakam Ovidiu Xasegan maydon egalari darvozasiga penaltini noto‘g‘ri belgilaganini tan oldi.
O‘yin 9 noyabr kuni Belfastda bo‘lib o‘tgan edi. Hakam Korri Evansni qo‘l bilan o‘ynadi deb topdi, ammo takroriy lavhada to‘p futbolchining yelkasiga tekkani oydinlashadi. 11 metrli jarimani Rikardo Rodriges aniq bajaradi va bu gol har ikki o‘yinda yagonaligicha qoladi. Natijada Shveysariya Rossiyada bo‘lib o‘tadigan JCH-2018 musobaqasiga yo‘l oladi.
Shimoliy Irlandiya termasi bosh murabbiyi Maykl O'Nil buni "uzoq muddatli faoliyati davomida guvoh bo‘lgan eng yomon hakam qarori" deb atadi.
"Bu men uchun qayg‘uli va yoqimsiz vaziyat. Juda afsusdaman, chunki men shunday xatoga yo‘l qo‘ydim. Albatta, bu pley-offga katta ta’sir qildi. Bu sir emas, men o‘z fikrimni yashirmayman. Ammo men kuchli insonman, bu bosimni oylam yordamida yengib o‘tdim", - deydi ruminiyalik hakam.
