Ispaniya La-ligasi 19-turidan o‘rin olgan «Real Sosyedad» hamda «Barselona» o‘rtasidagi uchrashuv o‘z nihoyasiga yetdi. Kataloniyaliklar uchun omadsiz hisoblanadigan «Anoeta» stadionidagi o‘yin aynan ularning 2:4 hisobidagi irodali g‘alabasi bilan yakunlandi.
Avvaliga, 11-daqiqada Villian, 34-daqiqada Xuanmi ikkita gol urib «Real Sosyedad»ni hisobda oldinga olib chiqqandi.
Keyin esa mehmonlar sekin-asta o‘zlriga kelishdi va 39-daqiqada Suaresning uzatmasini Paulinyo golga aylantirib hisobni qisqartirdi. Birinchi bo‘lim 2:1 hisobida yakunlandi.
Kataloniyaliklar ikkinchi bo‘limni ham yuqori darajada boshlashdi va hisobni tenglashtirgan gol o‘zini ko‘p kuttirmadi. Aniqrog‘i, 50-daqiqada Messining ohista uzatgan to‘pini Suares zargarona zarba bilan golga aylantirdi.
71-daqiqada himoyachilarning bo‘sh o‘yinidan so‘ng yana Suares o‘z nomini tabloga yozdirib, jamoasini hisobda oldinga chiqardi.
85-daqiqada esa Lionel Messi jarima zarbasini mohirlik bilan ijro etib, yakuniy hisobni 2:4 ko‘rinishiga keltirdi.
Shu tariqa «Barselona» 10 yillik omadsiz seriyasiga barham berib, «Real Sosyedad» maydonida g‘alabaga erishdi.
Real Sosyedad – Barselona 2:4 (2:1)
14 yanvar, «Anoeta»
Gollar: 1:0 – 11 Villian Joze, 2:0 – 34 Xuanmi, 2:1 – 39 Paulinyo, 2:2 – 50 Suares, 2:3 – 71 Suares, 2:4 – 85 Messi.
Real Sosyedad: Ruli, Lyorente, Rodriges, Odriosola, Navas, Priyeto (YAnuzay, 78), Ilyarramendi, Surutusa (Subeldiya, 56), Kanales, Xuanmi (Oyarsabal, 60), Villian Joze.
Barselona: ter Stegen, Vermalen, Pike, Alba, Rakitich, Serdji Roberto, Paulinyo (Dembele, 65), Buskets, Andre Gomesh (Din, 80), Messi, Suares (Denis Suares, 90).
Ogohlantirishlar: Serxi Roberto (60), Ilyarramendi (63), Oyarsabal (84), Pike (90).
