«Manchester Yunayted» kulib sobiq yarim himoyachisi Rayan Giggz bugun Uels terma jamoasi bosh murabbiyiga aylanadi.
Uels futbol assosiasiyasi 44 yoshli mutaxassis bilan 4 yillik shartnoma imzolaydi. Assosiasiya, shuningdek, Kreyg Bellami, Oshian Roberts va Mark Bouen nomzodlarini ham ko‘rib chiqqandi.
Giggz Uels terma jamoasi tarkibida 64ta o‘yinda maydonga tushgan. U murabbiy sifatida bir necha yil davomida «MYU» murabbiylar shtabida ishladi. Shuningdek, u 2014 yil bahorida mankunianliklar bosh murabbiyi vazifasini bajargan.
Uels terma jamoasining avvalgi bosh murabbiyi Kris Koulmen noyabr oyida o‘z lavozimini tark etib, «Sanderlend»ni boshqarib kelmoqda. Uels JCH-2018 saralash bosqichida "D" guruhida 3-o‘rinni oldi va Rossiyaga bormaydigan bo‘ldi.