“Navbahor” jamoasining seleksiya ishlari davom etmoqda. Xususan, kecha tarkibga ikki nafar futbolchi qo‘shildi. Ulardan biri "Paxtakor" jamoasidagi ishtiroki orqali muxlislarga yaxshi tanish Javohir Sohibovdir. Sohibov o‘zining ishonchli o‘yinlari bilan ko‘pchilikni e’tiborini qozonishga ulgurgan desak xato bo‘lmaydi. Javohirni “Navbahor” yarim himoyasini kuchaytirishiga shubha yo‘q.

Yana bir yarim himoyachi Asamaz Burayev esa Rossiyadan taklif etildi. 1990 yilda tug‘ilgan yarim himoyachi (bo‘yi 180 sm.) o‘tgan mavsumni Qozog‘istonda o‘tkazgan. Toldiqo‘rg‘onning "Jetisu" klubi safida to‘p surib, jamoani mamlakat Premyer-ligasiga yo‘l olishiga hissa qo‘shgan. Futbolchi faoliyatini 2008 yili Vladikavkazning "Avtodor" klubida boshlagan. Qozog‘iston klubiga kelgunga qadar Burayev "Avtodor" (Vladikavkaz), "Spartak" (Nalchik), "Alaniya" (Vladikavkaz), "Mashuk-KVM" (Pyategorsk), "Luch-Energiya" (Vladivostok), "Gandzasar-Kapan" (Kapan), "Banans" (Erevan),  "Arvamir" (Armavir), "Alashkert" (Martuni) kabi jamoalar sharafini himoya qilgan. Rossiyalik futbolchining xatti-harakatlari Ilhom Mo‘minjonovga manzur bo‘lsa "Navbahor" a’zosiga aylanishi mumkin.

"Navbahor" FK matbuot xizmati.