Janubiy Koreya olimpiya terma jamoasi bosh murabbiyi Kim Bong Gil Osiyo chempionatining yarim final bosqichida bo‘lib o‘tgan O‘zbekistonga qarshi o‘yin borasida o‘z fikrlarini bildirib o‘tdi.

"Qo‘shimcha bo‘limlarni bir kishi kam bo‘lgan holda o‘tkazdik. Bizga og‘ir bo‘ldi, ammo shogirdlarim qo‘ldan kelgan barcha ishni qilishdi. Ikkinchi bo‘limda futbolchimiz chetlatilgan vaziyat hal qiluvchi ahamiyatga ega bo‘ldi. Shu bois, qo‘shimcha bo‘limlarning ikkinchisida o‘yinchilar charchab qolishdi.

Juma kuni uchinchi o‘rin uchun o‘yinda ishtirok etamiz. Ammo barcha futbolchilar charchashgan. Shunga qaramay, biz o‘z o‘yini uslubimizni namoyish qilishga harakat qilamiz", — dedi Kim Bong Gil.