Bugun 25 yanvar kuni O‘zbekiston futbol federasiyasining navbatdan tashqari hisobot-saylov konferensiyasi bo‘lib o‘tdi.

Kun tartibidagi masalalardan biri O‘FFning tashkiliy-huquqiy shaklini o‘zgartirish bo‘ylib, konferensiya delegatlari O‘zbekiston futbol federasiyasi O‘zbekiston futbol Assosiasiyasiga o‘zgartirilishiga bir ovozdan rozilik bildirishdi.

Shu paytga qadar O‘FF prezidenti sifatida faoliyat yuritgan Umid Ahmadjonov MOQ prezidentligiga o‘tgani munosabati bilan O‘zbekiston Respublikasi Bosh vazirining 1-o‘rinbosari Achilbay Ramatov O‘FAning yangi prezidenti etib saylandi.

Umid Ahmadjonov O‘zbekiston Milliy Olimpiya Qo‘mitasi prezidentligi bilan birgalikda O‘zbekiston futbol Assosiasiyasining 1-vise prezidenti sifatida ham faoliyat yuritadi.