O‘FA yangi prezidenti Ochilboy Ramatov navbatdan tashqari hisobot saylov konferensiyasi vaqtida O‘zbekistonda futbolni rivojlantirish uchun qilinishi lozim bo‘lgan ishlarga to‘xtalib, Prezident Shavkat Mirziyoyevning futbolga berayotgan e’tibori haqida ham gapirdi.

«Muhtaram yurtboshimiz Shavkat Mirziyoyev juda ham qattiq topshiriqlar bergan. Ular yo futbolni ko‘taraman, yoki butunlay yo‘q qilaman degan.

Prezident qabulxonasiga kelayotgan murojaatlarning aksariyatida ham muxlislar talab qilishmoqda. Nega bizda futbol rivojlanmayapti? Nega bizda hammasi «o‘yin»? Nega hakamlarimiz har xil qing‘ir o‘yinlar qiladi? Bunga qaraydigan bir, futbolning egasi bormi, degan gaplarni odamlar yozyapti. Bularning barchasi yig‘ilib-yig‘ilib tomchi bo‘lib dengiz bo‘ladi.

Muxlislar ham O‘zbekiston terma jamoasini JCHga chiqishini ko‘rishni istaydi. Ammo buni eplay olmadik», deya Ramatovning so‘zlaridan iqtibos keltiradi Tribuna.UZ muxbiri.