Milliy Olimpiya Qo‘mitalari Assosiasiyasi va Osiyo Olimpiya Kengashi Prezidenti shayx Ahmad al-Fahad Al Saboh O‘zbekiston Milliy olimpiya qo‘mitasi prezidenti Umid Ahmadjonovga tabrik yo‘lladi. Tabriknomada jumladan shunday deyiladi:
O‘zbekiston MOQ Prezidenti
Janob Umid Axmadjonovga
Hurmatli do‘stim va hamkasbim,
O‘zbekiston Milliy olimpiya qo‘mitasi prezidentligiga saylanganligingiz munosabati bilan mening eng samimiy tabriklarimni qabul qilishingizni so‘rayman.
Ishonchim komilki, sizning bilim va zehningiz nafaqat O‘zbekiston Milliy olimpiya qo‘mitasiga, balki butun o‘zbek sportiga foydali bo‘ladi. O‘zbekiston Milliy olimpiya qo‘mitasi allaqachon Osiyo qit’asida Olimpiya harakatini rivojlantirish va ilgari surish masalasida Osiyo Olimpiya Kengashining eng yaqin hamkori, tarafdori bo‘lib ulgurgan.
Ishonamanki sizning ushbu lavozimga tayinlanishingiz do‘stlik rishtalarini yanada mustahkamlaydi. Mas’uliyatli lavozimda sizga eng yaxshi tilaklarimni izhor qilaman va Osiyo Olimpiya Kengashining doimiy madadi va do‘stligiga ishonishingiz mumkinligini bildiraman.
Eng samimiy tilaklar bilan,
Shayx Ahmad Al-Faxad Al-Sabox
Milliy olimpiya qo‘mitalari assosiasiyasi va
Osiyo Olimpiya Kengashi Prezidenti
