Bugun Farg‘ona viloyati hokimiyatida viloyat futbol assosiasiyasi xodimlari, viloyatdagi professional futbol klublari rahbarlari hamda murabbiylari ishtirokida yig‘ilish o‘tkazildi. Unda Superligada qatnashishi aniq bo‘lgan “Neftchi”ning taqdiriga oydinlik kiritildi.

Shu kunga qadar “Neftchi”ni boshqarib kelgan barcha mutaxassislarga javob berib yuborilib, “Sementchi” jamoasida yordamchi bo‘lib ishlab kelgan Sergey Kovshov “Neftchi” bosh murabbiyi etib tayinlandi. Unga "Sementchi" jamoasi bosh murabbiyilik kilib kelayotgan Abdumalik Hakimov, shu jamoada jismoniy tayergarlik buyicha murabbiy bulgan Ilhom Zaylobitdinov, "Neftchi" klubidan yagona mutaxassis Bahrom Haydarov yordam beradigan bo‘lishdi.

“Neftchi” klubi raisi lavozimiga esa shu kunga qadar "Sementchi" jamoasini prezidenti xisoblangan Muysinjon Mehmonov Dadajonovich tayinlandi. “Sementchi” jamoasi ko‘rigida bo‘lib turgan barcha o‘yinchilar “Neftchi”ga o‘tishdi. Hozirgacha "Neftchi" tarkibida harakatlanayotgan futbolchilarning bundan keyingi taqdiri esa bizga korong‘u.

Quvasoyning “Sementchi” jamoasining keyingi taqdiri haqida esa tez kunda ma’lum qilamiz.