"PSJ" klubi va Braziliya terma jamoasi himoyachisi Dani Alves zamonaning eng iqtidorli futbolchilari haqida fikr bildirdi.
"Menimcha, Neymar - hozirgi kunda Messi kabi dunyoning eng qoyilmaqom futbolchilaridan biridir. U Messining soyasidan chiqishi kerak edi. Messi kabi tengi yo‘q usta bilan yonma-yon o‘ynash - sen bilan sodir bo‘lishi mumkin bo‘lgan voqealarning eng zo‘ridir. Ammo bu bir gumonga sabab bo‘ladi: sen haqiqatan ham zo‘r o‘yinchimisan yoki Leo tufaylimi?
Shaxsan men u bilan bir jamoada o‘ynashdan katta zavq olganman, ammo Messi - argentinalik, Neymar esa men kabi - braziliyalik. Biz Messi bilan qachonlardir qarama-qarshi o‘ynashimiz mumkin (kuladi).
Neymarning o‘z yo‘lidan ketgani - uning uchun juda muhim bo‘ldi, shu bilan birga Braziliya termasi uchun ham", - deydi Alves.