"ПСЖ" клуби ва Бразилия терма жамоаси ҳимоячиси Дани Алвес замонанинг энг иқтидорли футболчилари ҳақида фикр билдирди.
"Менимча, Неймар - ҳозирги кунда Месси каби дунёнинг энг қойилмақом футболчиларидан биридир. У Мессининг соясидан чиқиши керак эди. Месси каби тенги йўқ уста билан ёнма-ён ўйнаш - сен билан содир бўлиши мумкин бўлган воқеаларнинг энг зўридир. Аммо бу бир гумонга сабаб бўлади: сен ҳақиқатан ҳам зўр ўйинчимисан ёки Лео туфайлими?
Шахсан мен у билан бир жамоада ўйнашдан катта завқ олганман, аммо Месси - аргентиналик, Неймар эса мен каби - бразилиялик. Биз Месси билан қачонлардир қарама-қарши ўйнашимиз мумкин (кулади).
Неймарнинг ўз йўлидан кетгани - унинг учун жуда муҳим бўлди, шу билан бирга Бразилия термаси учун ҳам", - дейди Алвес.