«Manchester Yunayted» klubi bosh murabbiyi Joze Mourinyo «Tottenxem»ga qarshi uchrashuvdan so‘ng o‘z fikrlari bilan o‘rtoqlashdi.
«O‘yin o‘tkazib yuborilgan kulguli gollarimiz bilan boshlandi. Ushbu gollar maydondagi voqealarni tezlashtirib yubordi va «Tottenxem» o‘zi istagandek futbol namoyish etdi.
Ha bugun kuchli raqibga to‘qnash keldik, ammo ta’kidlab o‘tganimdek, kulguli gollar o‘tkazib yubordik.
Birinchi gol juda tez yuzaga keldi shogirdlarim maydon markazidan kelgan to‘pni tomoshabin sifatida kuzatib qolishdi. Juda yomon vaziyat.
Ikkinchi gol esa jamoani psixologik tomondan o‘ldirdi.
G‘alaba uchun gol urish va yaxshi himoyalanish zarur bugun juda yomon o‘ynadik» – deydi Mourinyo.
