APL navbatdagi turidan o‘rin olgan “Tottenxem” va “Manchester Yunayted” o‘rtasidagi o‘yinda Kristian Erikson tezkor gollardan birini kiritgandi. Biroq bu gol o‘yin qoidasining buzilishi natijasida urilgan ekan.
Gap shundaki, o‘yin boshlanayotgan bir paytda “shporlar” hujumchisi Xarri Keyn to‘p hali o‘yinga kiritilmasidan oldin maydonning raqib qismiga o‘tib ulgurgan. Golda esa Xarri Keyn xam ishtirok etdi. Qoidaga ko‘ra esa to‘p o‘yinga kiritilmasdan turib futbolchilarning stadionning raqib tomoniga o‘tishi mumkin emas. Bu vaziyatda o‘yinni boshqargan Marriner xatoga yo‘l qo‘ygan.
