Rossiyalik aralash qoidalar jangchisi Habib Nurmagomedov bugun Ispaniyaga tashrif buyurib, Madridda “Real” - “Real Sosyedad” (5:2) uchrashuvini tomosha qildi.
Habib Madridda raqib darvozasiga uchta gol urgan Krishtianu Ronaldu bilan uchrashdi va u bilan o‘zaro sovg‘alar almashishgan.
Portugaliyalik futbolchi Habibga to‘p va libosini sovg‘a qilgan bo‘lsa, Nurmagomedov Krishtianuga chugurma sovg‘a qilishni joiz deb topdi.
“Bir-birimizga sovg‘alar ulashdik. Siz allaqachon kim-kimga qanday sovg‘a berganini tushunib bo‘ldingiz. Ronaldu bu futbolkada bugun xet-trik muallifiga aylandi. Bu sovg‘a mening shaxsiy kolleksiyamdagi asosiy joylardan birini egallaydi. Rahmat senga!”, – deya yozadi Nurmagomedov instagramdagi sahifasida.
“Salam aleykum!” – deya kuladi Ronaldu videoda.
