"Persepolis"ga qarshi o‘yin oldidan tashkil etilgan matbuot anjumani ishtirok etgan "Nasaf" himoyasi Odiljon Hamrobekov o‘z fikrlari bilan o‘rtoqlashdi.
— Biz Eronga shunchaki kelmadik. Maqsadimiz yuqori. O‘ylaymanki, biz ertaga o‘z o‘yinimizni o‘ynaymiz va ijobiy natijaga erishamiz. O‘zbek futbol ishqibozlari bizdan ertaga ham g‘alaba kutayapti, biz ularni xursand qilmoqchimiz.
— Bilsangiz, “Persepolis”da kuchli hujumchilar bor, himoyachi sifatida bunga tayyormisiz?
— Biz raqibni yaxshi o‘rgandik va murabbiyimizdan kerakli ko‘rsatmalarni ham oldik. Raqib jamoada kuchli hujumchilar bo‘lsa, bizda kuchli himoyachilar bor.