“Bazel” klubi murabbiyi Rafael Vikki “Manchester Siti”ga qarshi o‘yin oldidan raqib jamoaning kuchli tomonlarini sanab o‘tdi.

“Bu jamoada deyarli kuchsiz tomonlari yo‘q. “Manchester Siti” istalgan vaqtda o‘yin uslubini almashtira oladi.

“Siti” – ajoyib jamoa, uning murabbiyi esa o‘z ishining ustasi ekanligini “Barselona” va “Bavariya” kabi klublarda isbotladi. Haqiqatdan ham “Siti” – kuchli jamoa.

Doim o‘yin oldidan reja tuzamiz, bugun o‘yin uchun ham alohida rejamiz bor. Barchasi biz uchun yaxshi o‘tadi degan umiddaman.

Agar kimnidir hayron qoldirmoqchi bo‘lsak, maydonda juda ham zo‘r o‘ynashimzga to‘g‘r keladi. Balki, “Siti” bizni hayron qoldirish uddasidan chiqadi. Chunki barcha bilada bu jamoaga maydonning farqi yo‘q. Juda ham tez qanotlardan hujumga chiqib ketadi.

“Bazel” o‘yinning 50 yoki 60 foizini to‘p bilan muomala qilish bilan o‘tkaza olmaydi. Ishonchli o‘ynash bilan birga juda ehtiyot bo‘lishimiz kerak. Har bir to‘pga tegingada uni yo‘qotib qo‘ymaslikka harakat qilamiz”, – dedi Vikki.