Ayni kunlarda o‘zbekistonlik hakamlar Turkiyaning Antaliya shahrida o‘quv-mashg‘ulot yig‘ini o‘tkazishayotgani haqida avval xabar berib o‘tgandik. Yig‘inda 13 nafar referi va 17 nafar referi assistentlari ishtirok etmoqda.

Hakamlarimiz har kuni nazariy va amaliy mashg‘ulotlar olib borishmoqda. Xorij delegasiyasiga O‘FF Hakamlar va nazoratchilar boshqarmasi boshlig‘i Ma’mur Saidqosimov rahbarlik qilyapti. Amaliy va nazriy mashg‘ulotlarni FIFA yo‘riqchisi Farhod Abdullayev, jismoniy tayyorgarlik bo‘yicha yo‘riqchi Radik Xubbiyev hamda koordinator Bobur Haydarov olib bormoqda.

Yig‘in doirasida hakamlarimiz bir qator xorijiy mamlakatlar klublari ishtirokidagi o‘rtoqlik uchrashuvlarini boshqarishayotganini ham ta’kidlab o‘tish kerak.

O‘yinlardan so‘ng hakamlar ishi nazoratchilar tomonidan tahlil qilinib, yo‘l qo‘yilgan xato va kamchiliklar ko‘rsatib o‘tilmoqda. Shu tariqa hakamlarimizning saviyasini oshirish, uchrashuvlarni yuqori saviyada boshqarib borishlarini ta’minlashga harakat qilinyapti.

12-13 fevral kunlari o‘zbekistonlik referilar quyidagi o‘yinlarda hakamlik qilishdi:

“Rakov” (Polsha) – “Saburtalo” (Gruziya)
Referi: Z.Qodirov
Laynsmenlar: O.Jumayev, R.Samandarov
Inspektor: B.Haydarov

“Kiran” (Qozog‘iston) – “Stal” (Ukraina)
Referi: V.Serazetdinov
Laynsmenlar: A.Sidorov, T.Galeev
Inspektor: V.Seytlin

SSKA (Rossiya) – “FK Zeta” (CHernogoriya)
Referi: V.Seytlin
Laynsmenlar: R.Nugmanov, R.SHayaxmitov
Inspektor: B.Haydarov

“Sheget” (Vengriya) – “Trinek” (CHexiya)
Referi: O.To‘ychiboyev
Laynsmenlar: R.Kopadze, X.SHodmonov
Inspektor: F.Abdullayev

“Okjetpes” (Qozog‘iston) – “Sibir” (Rossiya)
Referi: A.Risqullayev
Laynsmenlar: O.Abduvasilov, R.Samandarov
Inspektor: M.Saidqosimov

Shuningdek, bugun 14 fevral kuni referilarimiz quyidagi uchrashuvlarni boshqarishadi:

“Desna” (Ukraina) – “Dnepr” (Ukraina)
Referi: F.Norsafarov
Laynsmenlar: A.Kalinin, A.Burov
Inspektor: V.Seytlin, F.Abdullayev

“Olmaliq” (O‘zbekiston) – “Gelios” (Ukraina)
Referi: O.Tolibjonov
Laynsmenlar: S.SHoyusupov, D.Saylavov
Inspektor: M.Saidqosimov, B.Haydarov

“Shaxtyor” (Qozog‘iston) – “Banants” (Armaniston)
Referi: H.Ro‘ziyev
Laynsmenlar: R.SHayaxmitov, R.Nugmanov
Inspektor: B.Haydarov, M.Saidqosimov

“Viborg” (Daniya) – “Serik Spor”
Referi: R.Lutfullin
Laynsmenlar: M.Majidov, R.Fozilov
Inspektor: F.Abdullayev, V.Seytlin