“El Mundo Deportivo” nashrining xabar berishicha, “Barselona” yanvarda Filippe Koutinyoning transferidan voz kechmoqchi bo‘lgan va uning o‘rniga “Tottenxem” a’zosi Kristian Eriksonni sotib olishni istagan ekan. Hatto Kataloniya klubi “shporlar”ga Erikson borasida taklif ham jo‘natgan.
Xabarlarga qaraganda, Kataloniya klubining fikri o‘zgarishiga Messi sabab bo‘lgan. Aynan u Koutinyoning xarid qilinishini xohlagan. Keyinchalik esa “Tottenxem” ham Erikson borasidagi qarorini o‘zgartirgach, “Barselona” Koutinyoni xarid qilgan.
