O‘tgan mavsum ishonchli o‘yinlari orqali muxlislar mehrini qozongan seriyalik Darko Stanoyevich bu yil jamoamiz himoya qo‘rg‘onining asosiy figuralaridan biri bo‘ladi. Yaqinda «Navbahor» bilan yana bir yillik shartnoma tuzgan himoyachi bilan qisqa suhbat uyushtirildi.
- Avvalo, o‘tgan mavsum xaqida to‘xtalsangiz.
- 2017 yilgi chempionat bahslari biz uchun ancha omadli kechdi, deb ayta olaman. Chunki biz mavsumni kuchli beshlikda yakunlay oldik. Mavsum boshida bizga rahbarlar kuchli oltilikka kirishni vazifa qilib belgilashgan edi, biz bu vazifani bajarishga erishdik.
- Bu mavsum "Navbahor" oldiga kuchli uchlikka kirish vazifasi qo‘yildi. Bunga munosabatingiz?
- Ha albatta, buni bizga murabbiylarimiz aytishdi. To‘g‘risi, buni eshitib barcha jamoadoshlarimiz bilan xursand bo‘ldik. Aniq maqsad sari odimlasangiz, albatta bunga erishasiz. Shuning uchun mavsumga puxta tayyorgarlik olib bormoqdamiz. Bu qo‘limizdan keladi, deb o‘ylayman.
- Moliyaviy tomondan muammolar yuqmi?
- Yuq, xammasi joyida.
- Sizga boshqa jamoalardan takliflar bo‘ldimi ?
- Serbiyadan va ayrim O‘zbekiston klublaridan chaqiruv bo‘ldi. Ammo yana Namanganda o‘ynashga qaror qildim.
- Buning sababi nimada?
-Muxlislar! «Navbahor» muxlislari doimo o‘z jamoalarini ajoyib qo‘llab quvvatlashadi. Ayniqsa, oxirgi uyinda «Nasaf»ga gol urganimda Darko, Darko deb quvvatlashgani hamon qulog‘imda yangramoqda. (Kuladi).
- Demak, jamoaning sodiq muxlislari uchun shartnomani uzaytirdingiz, shundaymi?
- Ha, xuddi shunday!
- Yangi mavsumdan nimalar kutyapsiz?
- Har bir bellashuv finalga teng bo‘ladi va biz har bir bahsda g‘alaba uchun maydonga chiqqanimiz holda muxlislarimiz ishonchini albatta oqlashga harakat qilamiz!
D. Nizamov suxbatlashdi.
