“Nasaf” – “Al Vasl” uchrashuvning eng yaxshi o‘yinchisi deya, e’tirof etilgan yarim himoyachi Azizjon G‘aniyev haqida “ajdarlar” ustozi Ro‘ziqul Berdiyev o‘z fiklarini bildirib o‘tdi

Ro‘ziqul Berdiyev: - Aziz G‘aniyevda mendan kuchli futbolchi bo‘lishi uchun katta imkoniyat bor. U futbol maktabini ko‘rdi. 18 yoshidan asosiy tarkib o‘yinchisiga aylandi. Men 22-23 yoshimdan shunday imkoniyatga ega bo‘lganman. Azizni  kelajakda bundanda kuchli futbolchi bo‘lishini hohlayman. Hammasi oldinda. Unda hali katta zahira bor. U bu imkoniyatlardan to‘liq foydalanishi kerak. Buning uchun ko‘p mehnat qilishi kerak.

OCHLdagi bo‘lajak o‘yin haqida. 5 mart kuni Qatarning “Al Sadd” klubini qabul qilamiz. Agar muxlislarimiz bugungidek bizni stadionda qo‘llab-quvvatlashsa, har qanday raqibga qarshi munosib o‘yin ko‘rsatamiz. Umid qilamanki, Xavi keladigan uchrashuvda har qanday ob-havo bo‘lsa ham, stadionimiz to‘ladi. Biz o‘z muxlislarimizga ishonamiz. Fursatdan foydalanib barcha muxlislarimizga, bugungi faolligi uchun minnatdorchilik bildiraman”, - dedi Berdiyev.