Joriy yilning fevral-mart oylarida O‘FA taqvimiga asosan mini-futbol bo‘yicha 12,14,16 yoshli qizlar o‘rtasida Respublika musobaqasi o‘tkazilishi rejalashtirilgandi.
Ana shu rejaga asosan Andijon viloyatida mini-futbol bo‘yicha 12, 14, 16 yoshli qizlar o‘rtasida Respublika musobaqasining dastlabki bosqichi bo‘lib o‘tyapti.
Musobaqada 12 yoshli qizlar o‘rtasida 4ta jamoa, 14,16 yoshli qizlar o‘rtasida 5tadan jamoa qatnashmoqda. Barcha uchrashuvlar Andijon shahridagi “Barkamol avlod” sport majmuasida bo‘lib o‘tyapti.
Musobaqa yakunida viloyatning U-12, U-14, U-16 terma jamoalari shakllantiriladi va ushbu jamoalar musobaqaning final bosqichida ishtirok etadi.