Xabaringiz bor, fevral oyining ilk kunlaridan boshlab “So‘g‘diyona” Toshkentda mavsumga tayyorgarlikni olib bordi. Hozirlik davomida Aleksandr Mochinov boshchiligidagi murabbiylar shtabi seleksiya ishlarini olib borib jamoaga yangi futbolchilarni jalb qildi.
Futbolchilarni ko‘rikdan o‘tkazish maqsadida murabbiylar shtabi bir nechta o‘rtoqlik uchrashuvlarini o‘tkazishdi. “So‘g‘diyona” Toshkentdagi yig‘in davomida “Paxtakor”, “Bunyodkor”, “Metallurg”, “Buxoro”, “Navbahor”, “Surxon” va Tojikistonning “Istiqlol” klubi bilan nazorat uchrashuvlarini o‘tkazdi.
Mashg‘ulotlarda qatnashib kelgan ayrim futbolchilar bilan xayrlashilgan bo‘lsa-da, jamoa kelgan yangi futbolchilar bilan rasmiy shartnomalar imzolandi.
“So‘g‘diyona” Toshkentdagi yig‘ini davomidagi so‘nggi nazorat uchrashuvini o‘tkazdi. Raqib esa “Surxon” jamoasi bo‘lib, jamoa bu safar ham “Surxon”ni mag‘lub etishni uddalay oldi. Bu jamoaning Toshkentdagi yig‘in davomida o‘tkazgan so‘nggi o‘rtoqlik uchrashuvi bo‘ldi.
Aleksandr Mochinov jamoaga qisqa muddatli ta’til e’lon qildi va bugun, 24 fevral kuni jamoa “So‘g‘diyona” qarorgohida yig‘ilib, Super liganing ilk turdagi raqibi “Paxtakor” ga qarshi bahsga tayyorgarlikni davom ettiradi.
“So‘g‘diyona” matbuot xizmati
