Bugun, 25 fevral kuni “Navbahor” jamoasi yangi mavsum boshlanishi oldidan taqdimot marosimi o‘tkazdi. Marosimdan so‘ng bosh murabbiy Ilhom Mo‘minjonov jamoaning maqsadlari haqida gapirib o‘tdi.
Ilhom Mo‘minjonov (bosh murabbiy): Avvalo, barchasi uchun viloyat hokimi Xayrulla Hayitbayevichga minnatdorchilik bildirib o‘taman.
Yigitlar yangi mavsumga tayyorgarlikni yuqori kayfiyatda o‘tkazishdi, barchamiz Superliga bahslarini start olishini intizorlik bilan kutmoqdamiz. Joriy mavsumda yuqori o‘rinlarni band etib, Namangan xalqini yuzini yorug‘ qilamiz degan umiddaman.
2018 yil “Navbahor” uchun haqiqattan ham yuksalish yili bo‘lib qolishiga ishonamiz. Nasib qilsa, Superligada oliy o‘rinlarni qo‘lga kiritib, Osiyo chempionlar ligasi bahslarida ham qatnashishga harakat qilamiz. Barcha yig‘ilganlarga rahmat”, - deya so‘zlarini yakunladi.
