Бугун, 25 февраль куни “Навбаҳор” жамоаси янги мавсум бошланиши олдидан тақдимот маросими ўтказди. Маросимдан сўнг бош мураббий Илҳом Мўминжонов жамоанинг мақсадлари ҳақида гапириб ўтди.
Илҳом Мўминжонов (бош мураббий): Аввало, барчаси учун вилоят ҳокими Хайрулла Ҳайитбаевичга миннатдорчилик билдириб ўтаман.
Йигитлар янги мавсумга тайёргарликни юқори кайфиятда ўтказишди, барчамиз Суперлига баҳсларини старт олишини интизорлик билан кутмоқдамиз. Жорий мавсумда юқори ўринларни банд этиб, Наманган халқини юзини ёруғ қиламиз деган умиддаман.
2018 йил “Навбаҳор” учун ҳақиқаттан ҳам юксалиш йили бўлиб қолишига ишонамиз. Насиб қилса, Суперлигада олий ўринларни қўлга киритиб, Осиё чемпионлар лигаси баҳсларида ҳам қатнашишга ҳаракат қиламиз. Барча йиғилганларга раҳмат”, - дея сўзларини якунлади.
