Madridning “Real” klubi hujumchisi Krishtianu Ronaldu mavsumning hal qiluvchi pallasida o‘zining eng zo‘r sport formasini ko‘rsatmoqda. 2018 yili Ronaldu “Real” klubining 10 ta o‘yinida ishtirok etdi va ushbu bahslarda 14 ta to‘p kiritdi.

Portugaliyalik futbolchining gollar shousi 21 yanvar kuni “Deportivo” jamoasiga qarshi boshlandi. Shu o‘yinda Krishtianu dubl qayd etdi va shundan keyin ham gol urishda to‘xtab qolayotgani yo‘q. Ronaldu so‘nggi o‘yinda “Xetafe” jamoasi darvozasiga ham ikkita to‘p kiritdi.

21 yanvar kunidan boshlab Ronaldu faqatgina “Levante” klubiga qarshi o‘yinda gol ura olmadi (2:2).

Yilning boshida avval 10 ta o‘yinda 14 gol – futbolchining butun faoliyatidagi eng yaxshi ko‘rsatkich bo‘lib turibdi.