Madridning “Real” klubi yarim himoyachisi Mateo Kovachich PSJga qarshi javob o‘yinidan so‘ng o‘z fikrlarini bildirib o‘tdi.

“Yaxshi va albatta, esda qolarli damlarni o‘tkazmoqdamiz. PSJ chiroyli o‘yin ko‘rsatdi va shunga yarasha ularga qarshilik ko‘rsatish oson bo‘lmadi. Lekin shunday bo‘lsa-da g‘alaba qozonishni uddaladik.

Parijliklar bizdan ko‘proq to‘p bilan muomalada bo‘lishdi, lekin “Real” tajribasiga tayanib o‘yinni davom ettirdi.

Agar “Real” shunday o‘ynashda davom etar ekan, bizni mag‘lub etish har qanday jamoaga qiyinchilik tug‘dirishi aniq.

Voqealar rivoji o‘zgarib bormoqda, ammo biz yana YECHLda o‘ynayapmiz, chunki “Real” ushbu musobaqada g‘olib bo‘lish uchun dunyoga kelgan”, – dedi Kovachich.