«Nissa» hujumchisi Mario Balotelli «PSJ» himoyachisi Dani Alvesni tanqid qildi.
Avvalroq, braziliyalik futbolchi «Fiorentina» himoyachisi Davide Astori o‘limi yuzasidan gapirib, uni tanimagani uchun ichi achishmaganini aytgan edi.
«Dani Alves yaxshi ish qilmadi. U hamdarlik bildirish o‘rniga, tiliga erk berib yubordi. O‘lim kelganida, bunday so‘zlarni aytmaslik lozim.
Astori yaxshi, xushmuomala yigit edi, u bilan terma jamoa yig‘inida tanishganman. Afsuski, mashg‘ulotim borligi tufayli, uning dafn marosimida qatnasha olmayman.
Futbolchilar tibbiy ko‘rikdan tez-tez o‘tishadi, ammo baribir mana shunday holat yuz berdi. Bu biroz qo‘rqitadi, chunki u o‘zini yaxshi his qilgan bo‘lsa-da, o‘z to‘shagida joni uzilgan. Hozir o‘limni uchratish juda oson» - deb Balotelli so‘zlarini keltirmoqda Football Italia.
