Kecha “Qo‘qon-1912” jamoasi Superliga 2-turidan o‘rin olgan “Qizilqum”ga qarshi kechgan bahsda maydonga tushib, 2:0 hisobida ishonchli g‘alabaga erishdi. Bu esa jamoaning Superligadagi birinchi g‘alabasi sifatida tarixda qoldi. Kechagi o‘yinda Murod Xolmuhammedov “Qo‘qon-1912”ning superligadagi birinchi goliga muallifilik qildi.

Serbiyalik legioner Marko Milich “Buxoro”ga qarshi kechgan bashda jamoamizdagi debyut o‘yinini o‘tkazgandi. “Qizilqum” bilan bo‘lib o‘tgan bahsda esa yana bir serbiyalik futbolchi Milan Spremo “Qo‘qon-1912”dagi birinchi uchrshuvini o‘tkazdi.

Qiziqarli ma’lumotlar haqida gap ketganda shuni aytish mumkinki, o‘tgan yili ham jamoaning chempionatdagi birinchi g‘alabasi “Qizilqum” bilan bo‘lgan bahsga to‘g‘ri kelgandi.

Aytgancha, ushbu jamoalar shu kunga qadar Navoiyda  6 marta to‘qnash kelishgan va qo‘qonliklar safardagi uchrashuvlarda g‘alaba qozona olishmayotgandi. Kechagi o‘yinda ushbu noxush an’anaga ham barham berildi.