Xitoyda sodir bo‘lgan avtohalokat natijasida rossiyalik futbolchi Vladimir Gerasimov vafot etdi. Bu haqda u bir paytlari to‘p surgan «Metallurg» Viksa jamoasi rasmiy sayti xabar tarqatdi.

Manba bergan xabarga ko‘ra, 28 yoshli rossiyalik futbolchi 8 martdan 9 martga o‘tar kechasi vafot etgan. U skuterda ketayotgan vaqtda avtomobil urib yuborgan. Mashina haydovchisi YTH sodir bo‘lgan hududdan qochib ketgan.

Gerasimovga ikki soat davomida hech kim yordam ko‘rsatmagan. natijada ko‘p qon yo‘qotishi natijasida futbolchi halok bo‘lgan.

Ma’lumot uchun, futbolchi o‘z vaqtida «Volochanin-Ratmir», «Bohemians», «Nika» Moskva, «Kaluga» va «Metallurg» Viksa jamoalari sharafini himoya qilgan.