Хитойда содир бўлган автоҳалокат натижасида россиялик футболчи Владимир Герасимов вафот этди. Бу ҳақда у бир пайтлари тўп сурган «Металлург» Викса жамоаси расмий сайти хабар тарқатди.

Манба берган хабарга кўра, 28 ёшли россиялик футболчи 8 мартдан 9 мартга ўтар кечаси вафот этган. У скутерда кетаётган вақтда автомобил уриб юборган. Машина ҳайдовчиси ЙТҲ содир бўлган ҳудуддан қочиб кетган.

Герасимовга икки соат давомида ҳеч ким ёрдам кўрсатмаган. натижада кўп қон йўқотиши натижасида футболчи ҳалок бўлган.

Маълумот учун, футболчи ўз вақтида «Волочанин-Ратмир», «Боҳемианс», «Ника» Москва, «Калуга» ва «Металлург» Викса жамоалари шарафини ҳимоя қилган.