UYEFA chempionlar ligasi 1/8 finali dorasidagi «Barselona» hamda «Chelsi» o‘rtasidagi javob uchrashuvi o‘z poyoniga yetdi.
O‘yin kutilganidek shiddatli va muxlisbop tarzda o‘tdi. Bahsni mezbonlar tezkor gol bilan boshlashdi. Uchrashuvning 3-daqiqasida kataloniyaliklarning tashkil etgan ajoyib kombinasiyasini Messi ayyorona zarba bilan golga aylantirdi, 1:0.
Mazkur goldan so‘ng londonliklar ham oldinga o‘tib, vaziyatlar yaratishga urinib ko‘rishdi. Biroq 20-daqiqaga kelib qarshi hujumni o‘tkazib yuborishdi.
Mazkur vaziyatda Lionel Messi birin ketin raqibdan o‘tib ketib, qulay vaziyatda turgan Usmon Dembelega to‘pni uzatdi va fransiyalik yosh hujumchi kuchli zarba bilan to‘pni darvozaning olis yuqori burchagiga joylab qo‘ydi, 2:0.
Mazkur goldan so‘ng o‘yin yanada keskinlashib ketdi va futbolchilar har bir vaziyat uchun jon-jahdlari bilan kurashishdi, ammo bir qator vaziyatlarga qaramay, dastlabki 45 daqiqalikda boshqa gol urilmadi.
Ikkinchi bo‘limni mezbonlar yana hujumkor ruhda boshlashdi. 46-daqiqadayoqhisob yiriklashishi mumkin edi, ammo Suaresning zarbasidan so‘ng Tibo Kurtua «Chelsi» joniga oro kirdi.
Keyingi daqiqalar esa asosan londonliklarning urunishlari ostida kechdi, «Barselona» esa to‘psiz holda o‘z vaziyatini kutdi hamda imkon tug‘ilgan zahoti raqibni jazolashga urindi.
Bunga erishdi ham – 63-daqiqaga kelib anashunday qarshi hujumlardan biri Lionel Messining dubli bilan yakunlandi, 3:0.
Uchinchi goldan so‘ng esa o‘yindagi keskinlik biroz pasaydi desak, mubolag‘a bo‘lmaydi. To‘g‘ri jamoalar vaqti-vaqti bilan hujumga o‘tib yaxshigina vaziyatlar ham yaratishdi, ammo ayniqsa, «Chelsi»ning hujumlarida so‘nggi pallaga kelib, nimadir yetishmay qolaverdi.
Shu bilan birga qayd etish kerakki, kataloniyaliklar ijro etgan burchak zarbasidan so‘ng Tibo Kurtua darvozasini to‘rtinchi goldan saqlab qolgan bo‘lsa, «Chelsi» ijrosidagi yana bir burchak zarbasida Rudigerning zarbasini darvoza to‘sini qaytardi. Ammo o‘yinda boshqa shol urilmadi.
Birinchi o‘yin – 1:1, ikkinchi o‘yin – 3:0 - «Barselona» keyingi bosqichda.
YECHL. 1/8 FINAL.
Barselona Ispaniya – Chelsi Angliya 3:0 (2:0)
14 mart, «Kamp Nou»
Gollar: 1:0 – 3 Messi, 2:0 – 20 Dembele, 3:0 – 63 Messi.
Barselona: ter Stegen, Umtiti, Pike, Alba, Rakitich, Serdji Roberto, Inyesta (Paulinyo, 56), Buskets (Andre Gomesh, 61), Dembele (Aleish Vidal, 67), Messi, Suares.
Chelsi: Kurtua, Aspilikueta, Kristensen, Ryudiger, Mozes (Dzappakosta, 67), Villian, Fabregas, Azar (Pedro, 82), Kante, Alonso, Jiru (Morata, 67).
Ogohlantirishlar: Serji Roberto (22), Villian (45), Jiru (49), Alonso (75).
Birinchi uchrashuv – 1:1
