Bugun, 16 mart kuni UYEFA tashkilotining Nyon shahridagi qarorgohida Yevropa chempionlar ligasining chorak final bosqichiga qur’a tashlash marosimi bo‘lib o‘tdi.

Qur’a jarayonida chorak finalga yetib kelgan barcha 8 jamoa bir–biriga to‘g‘ri kelib qolishi mumkin edi.

Masalan, chorak finalda “Real” – “Barselona”, “Manchester Siti” – “Liverpul” yoki “Roma” – “Yuventus” uchrashuvlariga guvoh bo‘lish ehtimoli bor edi.

Ammo qur’a natijalari boshqacha ko‘rinishda bo‘ldi. Ya’ni, Angliyaning ikki klubi bir-biriga to‘g‘ri keldi. Shuningdek, “Barselona” va “Bavariya”ga sodda raqiblar to‘qnash kelishdi.

E’tiborli tomoni shundaki, endi chorak finalda YECHLning o‘tgan yilgi finali “Yuventus” - “Real” uchrashuvini ko‘rish mumkin.

Demak, qur’a natijalari bilan tanishing:

"Barselona" - "Roma"

"Sevilya" - "Bavariya"

"Yuventus" - "Real Madrid"

"Liverpul" - "Manchester Siti"

Ma’lumot uchun, chorak finalning dastlabki uchrashuvlari 3 va 4 aprel, javob bahslari esa 10 va 11 aprel kunlari bo‘lib o‘tadi.