“Navbahor” – “Lokomotiv” (2: 0) uchrashuvidan so‘ng “temiryo‘lchilar” jamoasi sardori o‘z fikrlarini bildirib o‘tdi:
- G‘alaba bilan “Navbahor” jamoasini tabriklayman. Ular o‘z ishqibozlari qarshisida yaxshi o‘yin ko‘rsatishga urinishdi va qarshi hujumga tayangan holda bizni mag‘lub etishdi. Bunday mag‘lubiyatlar ham bo‘lib turadi. Mag‘lubiyat ham futbolning bir qismi.
Hozir jamoamizda biroz pastga sho‘ng‘ish davri. Bunday holat o‘tkinchi ekaniga aminman va tez orada hammasi o‘z joyiga tushib ketishiga ishonaman.
Hali bizni oldinda ajoyib g‘alabalar kutyapti. Nasib etsa, kelasi bellashuvlarda ishqibozlarimizga chiroyli g‘alabalar taqdim etishga urinamiz, - dedi mahoratli futbolchi.
