Amerikalik bokschi kichik Floyd Meyvezer klassik boksdan aralash yakkakurashga o‘tishiga izoh berdi. Uning so‘zlariga ko‘ra, bokschi MMA (Aralash yakkakurush jangi) lisenziyasini olmoqchi. Bu haqda “Vesti.ru” xabar berdi.

“Barchasi uchun vaqt kerak, biz lisenziya olishga ariza topshirmoqchimiz va kurasha olamiz deb hisoblaymiz”, dedi Meyvezer.

Ma’lumot o‘rnida, avval Meyvezer irlandiyalik aralash yakkakurash jangchisi Konor Mak-Gregor bilan yana bir jang o‘tqazishga tayyorligi haqidagi ma’lumotni rad qilgan edi.

Amerikalik irland bilan basketbol o‘ynashga tayyor ekanini, ammo MMAda jang qilmasligini aytgan.

Ikki jangchi o‘rtasidagi boks qoidalariga ko‘ra o‘tgan birinchi jangda texnik nokaut bilan Meyvezer g‘alaba qozongan edi.