Turli davrlarda «Paxtakor» va boshqa klublarimizda to‘p surgan 7 nafar taniqli futbolchi o‘tgan yili 80 yoshli yubileyini tantana qilardi... agarda hayot bo‘lganlarida.
Ular o‘yinchilik faoliyatlarini yakunlashgach, murabbiy sifatida ham mamlakatimiz futboli taraqqiyotiga munosib ulush qo‘shishgan.
Demak, bugun shu qoyilmaqom yettilik va uzoq yillar davomida O‘zbekiston futbol federasiyasida ishlagan taniqli hakam Nikolay Nadejdinni xotirlaymiz.
Yuriy BELYAKOV (1937-2001)
«Paxtakor» jamoasini sobiq ittifoq oliy ligasida qatnashadigan holatda shakllantirish jarayonida murabbiylar Belyakovning tezligi, jonkuyarligi va tug‘ma iqtidoriga alohida e’tibor qaratishgan. Zero, hujum chizig‘ida o‘ynovchi Yuriy darhaqiqat, noyob xususiyatlarga ega edi.
U ayniqsa, raqib jamoa jarima maydonchasining «qaynoq nuqtalari»da paydo bo‘lishni qoyillatardi. Asosiysi, hujum vaqti to‘g‘ri qarorga kelish asnosida darvozani nishonga olishni paysalga solmasdi sira. Yuriy Belyakov futbolchilik faoliyatini tugatgach, o‘tgan asrning 60-70-yillari O‘zbekistonning ikkinchi ligadagi jamoalarida murabbiy sifatida ishlagan.
Vyacheslav KOLSOV (1937-2001)
Vyacheslav Kolsov futbolga Toshkentning «Mehnat zaxiralari» («Trudovo‘ye rezervo‘») jamoasi orqali kirib kelgan. 1960 yildan e’tiboran esa mashhur Yuriy Pshenichnikovning o‘rinbosari rolini bajardi. 1963 yilgi mavsumda «Politotdel» klubi safiga qo‘shilgan darvozabon keyinchalik (1968 yili) «Sport ustasi» unvoniga munosib ko‘rilgan.
Kolsov murabbiylik ishiga o‘tgach, avvaliga turli jamoalarimizni boshqardi, so‘ngra jonajon klubi - «Paxtakor»da seleksioner sifatida faoliyat yuritdi. 1979 yili mash’um fojia ro‘y bergach, Kolsov halok bo‘lganlar yaqinlari bilan aloqa o‘rnatishdek og‘ir yukni o‘z zimmasiga oldi.
Umuman, u samimiyligi, mehribonligi va doimo o‘zgalarga yordam berishga tayyorligi bilan ajralib turardi. «Paxtakor»ning qayta tiklanishi va 1982 yilgi mavsumda sobiq ittifoq oliy ligasida 6-o‘rinni qo‘lga kiritishida Vyacheslav Kolsovning xizmati katta.
Aynan shu natija uchun unga «O‘zbekistonda xizmat ko‘rsatgan murabbiy» unvoni berilgan. Kolsov 1988 yildan Moskvada Umuminsoniy qadriyatlar akademiyasida ishlaganini ham qo‘shimcha qilish joiz.
Oleg MOTORIN (1937-1978)
Motorin 17 yoshida vaqtida ancha tanilgan Toshkentning ODO jamoasida to‘p surgan. «Paxtakor» klubi tuzilganidan keyin birinchi tarkib futbolchilari (asosan «spartakchilar») Motorinni o‘z yonlariga chorlashadi. «Paxtakor» oliy ligada o‘ynay boshlaganida, murabbiy A.Keller uni yangi pozisiyaga suradi.
Toshkent jamoasi shu tariqa birinchilardan bo‘lib himoyada pozision o‘yinchi (xatolarni to‘g‘rilash uchun)dan foydalanadi. Oleg Motorin bu vazifani munosib uddalagandi. Biroq afsuski, Oleg keyinchalik tartibni tez-tez buzishga odatlanadi va oqibatda sport faoliyatini ancha erta tugatadi. Qolaversa, alohida iqtidorga ega bo‘lgan futbolchi 41 yoshida yorug‘ hayotdan ko‘z yumgandi.
Stanislav SEMYONOV (1937-1988)
Stas (uni shunday erkalashardi) hammasini «Pishevik» stadionida boshlagan. Yuqori intellektual sohibi sportga qiziquvchi ko‘pchilik uchun namuna sifatida maktabdagi tahsilni oltin medal bilan tugatgan. Semyonov «Paxtakor» safiga 1957 yili himoyachi sifatida qo‘shiladi.
1960 yili toshkentlklar oliy ligada klub tarixidagi ilk o‘yinda maydonga tushganlarida, 11 nafar asosiy futbolchi orasida Semyonov ham bor edi. «Paxtakor» yana 2 yildan so‘ng chempionatda faxrli 6-o‘rinni egallaydi. Semyonov ke-yinchalik «Politotdel»da o‘ynaydi va 1968 yili futbolchilik faoliyatiga yakun yasab, murabbiylik ishini boshlaydi.
U xususan, «Metallurg» (Olmaliq), «Narimanovchi» va boshqa jamoalarga ustozlik qiladi. Stanislav Semyonov 1988 yili fojiali tarzda hayotdan ko‘z yumadi. Muhimi, futbol estafetasini o‘g‘li - Alekseyga topshiradi.
Ya’ni farzandining «Paxtakor»dagi o‘yinlarini ko‘radi. Darvoqe, Aleksey 1995 yili Farg‘onaning «Neftchi» jamoasida to‘p surib, O‘zbekiston chempioni bo‘lish barobarida mamlakat kubogi sohibiga aylanadi.
Vitaliy SUYUNOV (1937-2016)
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
