Beshta jamoa ishtirok etgan, muddatidan oldin oltin va kumush medallar egasi ma’lum bo‘lib ulgurgan, 14-bor o‘tkazilgan ayollar o‘rtasida futzal bo‘yicha mamlakat chempionatining joriy yilgi mavsumi nihoyasiga yetdi.

Qarshining “Sevinch” jamoasi yurtimizda ayollar futzaliga asos solingan 2005 yildan buyon biror mavsum yo‘qki, bosh sovrinsiz qolgan bo‘lsa. Vladislav Xan shogirdlari 14-marotaba oltin medallarga sazovor bo‘lishdi. Kumush medal bilan Bekobodning “Metallurg”, bronza medali bilan esa Toshkentning “Lokomotiv” jamoasi taqdirlandi.

An’anaga ko‘ra, musobaqaning eng yaxshi o‘yinchilariga tashkilotchilar tomonidan tayyorlangan esdalik sovg‘alari ham topshirildi. Mukofotlarga quyidiga futzalchilar loyiq ko‘rildi:

Eng yosh futzalchi – Zuhra Tursunaliyeva (AGMK)

Darvozabon – Komila Yumangulova (“Lokomotiv”)

Himoyachi – Zumrad Nazarova (“Metallurg”)

Hujumchi – Umida Xotamova (“Paxtakor”)

To‘purar – Maftuna Shoyimova (“Sevinch”, 28ta to‘p).

O‘zbekiston Professional futbol ligasi bosh direktori Omon G‘ofurov barcha ishtirokchilarni bahor bayrami – Navro‘zi olam hamda yaqinlashib kelayotgan ayollar futboli bo‘yicha mamlakat chempionatining yangi mavsumi bilan qutlar ekan, g‘olib va sovrindorlarga oltin, kumush va bronza medallarni taqdim etdi, yakunda esa futzal chempionatining bosh Kubogini “Sevinch” jamoasiga topshirdi...

20 mart

“Metallurg” – “Paxtakor” – 7:5

“Lokomotiv” – AGMK – 9:0

Chempionatning yakuniy jadvali:

1.”Sevinch”          12     12     0       0       145-7         36

2.”Metallurg”     12     9       0       3       119-28       27

3.”Lokomotiv”    12     5       0       7       61-63        15

4.”Paxtakor”       12     4       0       8       67-74         12

5.AGMK              12     0       0       12      9-229          0