Futbol maydonida vertolyotga nima bor? U qayerdan uchib keldi va nima uchun? Yaqinda Angliya chempionati tizimida saviya bo‘yicha to‘rtinchi o‘rinda turuvchi divizion - League Two doirasidagi «Chesterfild» - «Linkoln» o‘yini maydonga qo‘qqisdan vertolyot qo‘ngani tufayli to‘xtatildi.
Ushbu noodatiy voqelik sababi ancha jiddiy: muxlislardan birining ahvoli og‘irlashgach, stadion xodimlari tibbiy vertolyot chaqirishdi.
Muhimi, «Tez yordam» tezda yetib keldi va kutilmagan tanaffus chamasi yarim soatga cho‘zildi. Umuman, futbol tarixini chuqurroq «kavlasak», bu kabi favqulodda hodisalar yetarlicha kuzatilganiga amin bo‘lamiz.
Azon
Saudiya Arabistonida o‘yin dinga bog‘liq sabablar tufayli tez-tez to‘xtatib turiladi. Xususan, xorijlik mutaxassislar ham mahalliy qoidalarga hurmat bilan qarashadi.
Deylik, ushbu mamlakatda ishlayotgan angliyalik hakam Mark Klattenburg yanvar oyida «Qirol kubogi» doirasidagi «Al-Feyxa» - «Al-Fotih» o‘yinini to‘xtatib turdi. Stadionga qo‘shni masjiddan azon tovushi eshitilgan vaqt hisob 1:1 edi va o‘yinning qo‘shimcha bo‘limlari davom etayotgandi.
Xullas, Klattenburg azonni eshitgani hamono maxsus hushtak chalib, barchani biroz tin olishga taklif etdi. Mashhur referining ushbu ishi mahalliy muxlislar va klublar rahbarlariga xush yoqqani aniq.
Soch turmagi
Yana Saudiya Arabistoni. Lekin bunisi umuman kutilmagan voqea. Hammasi 2 yilcha oldin «Al-SHabab» - «Al-Qodisiya» o‘yinida ro‘y berdi. Mehmon jamoa hujumchisi mezbonlar darvozaboni Volid Abdullaning soch turmagi shariat qoidalariga zid ekanligiga e’tibor qaratib, hakamga e’tiroz bildirdi.
Referi esa shu zahoti o‘yinni to‘xtatib, «Shabab» rahbariyatiga ikki variantdan birini tanlashni taklif etdi: golkiperni almashtirish yoki uning kokillarini kesib tashlashni. Klub ikkinchi variantni ma’qul ko‘rib, Abdullani maydonda qoldirdi.
Islom dini va mahalliy an’analarga to‘g‘ri kelmaydigan soch turmaklari bo‘yicha taqiq mamlakat futbol federasiyasi va Milliy olimpiya qo‘mitasi tomonidan joriy qilinganini ham aytish joiz.
Mashina
«Qoch, avtomobil!» BAA chempionati (yoshlar o‘rtasida)dan o‘rin olgan «Al-Jazira» - «Al-Ahli» o‘yini ishtirokchilari bir-birlariga shu ma’noda xitob qilishdi. Gap shundaki, o‘yin davom etayotgan pallada «Folk-svagen» rusumli mashina katta tezlikda maydonga bostirib kirdi.
Bunaqasi boshqa hech qayerda kuzatilmasa kerak. Xullas, haydovchi avtomobilni maydon markazigacha haydab borib, ortga qaytdi. Buning natijasida o‘yinda 16 soniyalik tanaffus yuzaga keldi.
Buqa
InterFutbol.uz ning Telegram dagi sahifasiga ulaning – eng so‘nggi yangiliklar, qiziqarli bloglar va tahliliy materiallar endi bir to‘plamda.
