“Yuventus” a’zosi Jorjyo Kyellini mushaklaridagi muammolar sabab YECHL ¼ finali doirasidagi “Real”ga qarshi o‘yinni o‘tkazib yuborishi taxmin qilingandi. Biroq futbolchi jarohatidan juda tez forig‘ bo‘ldi, u A seriya 30-turidan o‘rin olgan “Milan”ga qarshi o‘yinda maydonga tushadi.
Futbolchining holati haqida turinliklar ustozi Massimiliano Allegri quyidagicha fikr bildirdi: “Kyellinining ahvoli yaxshi, u ertaga o‘ynaydi. Kuadrado ham tayyor bo‘ladi. Bernarderski keyingi haftada safga qaytadi.Aleks Sandroning jarohatini esa o‘rganish kerak.
Iguain Argentinadan uchralgan 1:6 hisobidagi mag‘lubiyatdan keyin yaxshi kayfiyatda emas, ammo o‘yinga tayyor. Manjukichning ham ahvoli yaxshi. Lixtshtayner o‘ng qanotda o‘ynaydi, u yaxshi formada”, dedi Allegri.
