Bugun “Sevinch” jamoasi bu yilgi ayollar o‘rtasidagi Superliganing dastlabki tur uchrashuvini o‘z maydonida o‘tkazadi.
Uchrashuv amaldagi chempion, Bekobodning “Metallurg W” jamoasiga qarshi bo‘ladi.
XXIV O‘zbekiston chempionati, 1-tur
“Sevinch” (Qarshi) – “Metallurg W” (Bekobod)
03.04.2018. “Geolog” stadioni. 16:00
Bosh hakam: Elyor Tursunov (Buxoro),
Qanot hakamlari: Karomatullo Hasanov (Toshkent vil.), G‘anisher Samandarov (Navoiy),
Zaxira hakami: Ravshan Abduvohidov (Qarshi).
Nazoratchi: Ro‘zim Davlatmurodov (Toshkent).
Komissar: Aleksey Frolov.
O‘tgan yilgi chempionatda kumush medalni qo‘lga kiritgan va o‘z tarixida 12 karra chempion bo‘lgan “Sevinch”, bu yilgi chempionatdagi maqsadi – chempion bo‘lish.
Bugun Vladislav Xan shogirdlari bo‘lmish “Sevinch” jamoasi ana shu maqsadda yangi chempionatni boshlashadi.
Aslida chempionlikni niyat qilgan jamoa uchun birinchi uchrashuv natijasi juda muhim sanaladi. Qolaversa, bugungi raqib keyingi yillarda jamoaning asosiy raqobatchisi hamdir. Keyingi 5 yil davomida chempionlik uchun kurash ham mana shu ikki jamoa o‘rtasida kechmoqda.
Shunday qilib, bugun ikki kuchli jamoa maydonda bellashadi.
