Angliya premyer-ligasida chempionlikni rasmiylashtirish arafasida turgan "Manchester Siti" uchun Yevropa chempionlar ligasining chorak final bosqichidagi dastlabki o‘yin muvaffaqiyatsiz yakunlandi. Gvardiola shogirdlari "Liverpul" mehmoni bo‘lib, yirik hisobda imkoniyatni boy berishdi.

Klopp shogirdlari bahsning dastlabki yarim soatini juda tajovuzkor o‘tkazishdi hamda raqib darvozasini 3 marta ishg‘ol qilishdi. O‘yinning 12-daqiqasida mersisaydliklar tezkor qarshi hujum tashkil qilishdi. Firmino yo‘llagan zarbangi Ederson qaytardi, ammo qaytgan to‘pni Saloh darvozaga joylab qo‘ydi.

Oradan 9 daqiqa o‘tib Oksleyd-CHemberlen olis masofadan kuchli zarba bilan hisobdagi farqni oshirdi. Uchrashuvning 31-daqiqasida Saloh yuqoridan yetkazgan uzatmaga Sadyo Mane bosh bilan zarba berdi va hisobni yirik ko‘rinishga keltirib qo‘ydi.

Qolgan daqiqalarda "shaharliklar" to‘pga egalik qilishdi, pozision hujumlar tashkil qilishdi. Ammo butun jamoa bo‘lib himoyalangan "Liverpul" o‘z darvozasi daxlsizligini saqlab qoldi.

Yevropa chempionlar ligasida g‘oliblikka da’vogar sifatida qaralayotgan "Manchester Siti" yarim finalga chiqa olmasligi mumkin. To‘qnashuv taqdiri 10 mart kuni Manchester shahrida o‘tadigan javob bahsida hal bo‘ladi.

Yevropa chempionlar ligasi, chorak final, dastlabki o‘yin
"LIVERPUL" - "MANCHESTER SITI" 3:0 (3:0)
Gollar: 1:0 – 12 Salax, 2:0 – 20 Oksleyd-CHemberlen, 3:0 – 31 Mane.
Liverpul – Karius, Lovren, Robertson, Aleksander-Arnold, van Deyk, Firmino (Solanke, 71), Oksleyd-CHemberlen (Moreno, 85), Salax (Veynaldum, 53), Milner, Mane, Xenderson.
Manchester Siti – Ederson, Otamendi, Kompani, Laport, Uoker, de Bryuyne, Gyundogan (Sterling, 57), Silva, Fernandinyo, Sane, Gabriel Jezus.
Ogohlantirishlar: Otamendi (45), Gabriel Jezus (76), de Bryuyne (80), Xenderson (86), Sterling (90).