"Atletiko" bosh murabbiyi Diyego Simeone jamoa hujumchisi Diyego Kostaning Yevropa ligachi chorak finalining birinchi uchrashuvida "Sporting"ga qarshi o‘yini haqida fikr bildirdi.
"Bu Kostaning jamoamizga qaytganidan keyingi eng zo‘r o‘yini bo‘ldi. U maydonda vahshiy bo‘ldi, ko‘p harakat qildi, gollarda qatnashdi va butun o‘yin davomida qoidani buzmaslikka harakat qildi. O‘yin oxirida jamoa charchab qoldi, bu tabiiy, chunki biz bor kuchimizni ishga solgan edik", - deydi Simeone.
Javob uchrashuvi 12 aprel kuni Lissabonda bo‘lib o‘tadi.
