Tennis bo‘yicha erkaklar o‘rtasidagi norasmiy jahon chempionati hisoblangan "Devis Kubogi"da navbatdagi bosqichi boshlandi. O‘zbekiston terma jamoasi Osiyo/Okeaniya mintaqasining ikkinchi bosqich doirasida Pokiston terma jamoasiga qarshi Islomobodda kortlarida bahs olib bormoqda.

Kecha yakkalik bahslari doirasida 2ta o‘yin bo‘lib o‘tdi. Terma jamoamizning birinchi raqamli raketkasi Denis Istomin mezbonlarning ikkinchi raqamli tennischisi Aysam Qureshiga qarshi o‘yinda ishtirok etdi. Birinchi set tay-brekkacha davom etdi. Unda hamyurtimiz 19-17 hisobida g‘alaba qozondi. Ikkinchi bo‘limda Istoni 4-1 hisobida oldinda borayotganida raqib sportchisi bahsni to‘xtatishga majbur bo‘ldi.

Ikkinchi o‘yin Sanjar Fayziyev va Oqil Xon o‘rtasida kechdi. Bu to‘qnashuvning dastlabki seti ham tay-brekkacha davom etdi va unda o‘zbekistonlik tennischining g‘alabasi bilan yakunlandi — 8-6. Sanjar keyingi 2ta setni boy berdi — 4-6, 4-6.

Natijada birinchi kun yakunlari bo‘yicha hisob teng: Pokiston - O‘zbekiston - 1:1.

Bugun juftliklar o‘rtasidagi o‘yin bo‘lib o‘tadi.

Aysam Qureshi - Denis Istomin - 0:2 (6-7 (17), 1-4)
Oqil Xon - Sanjar Fayziyev - 2:1 (6-7 (6), 6-4, 6-4)
Oqil Xon/Aysam Qureshi - Sanjar Fayziyev/Jo‘rabek Karimov
Oqil Xon - Denis Istomin
Aysam Qureshi - Sanjar Fayziyev