Теннис бўйича эркаклар ўртасидаги норасмий жаҳон чемпионати ҳисобланган "Дэвис Кубоги"да навбатдаги босқичи бошланди. Ўзбекистон терма жамоаси Осиё/Океания минтақасининг иккинчи босқич доирасида Покистон терма жамоасига қарши Исломободда кортларида баҳс олиб бормоқда.

Кеча яккалик баҳслари доирасида 2та ўйин бўлиб ўтди. Терма жамоамизнинг биринчи рақамли ракеткаси Денис Истомин мезбонларнинг иккинчи рақамли теннисчиси Айсам Қурешига қарши ўйинда иштирок этди. Биринчи сет тай-бреккача давом этди. Унда ҳамюртимиз 19-17 ҳисобида ғалаба қозонди. Иккинчи бўлимда Истони 4-1 ҳисобида олдинда бораётганида рақиб спортчиси баҳсни тўхтатишга мажбур бўлди.

Иккинчи ўйин Санжар Файзиев ва Оқил Хон ўртасида кечди. Бу тўқнашувнинг дастлабки сети ҳам тай-бреккача давом этди ва унда ўзбекистонлик теннисчининг ғалабаси билан якунланди — 8-6. Санжар кейинги 2та сетни бой берди — 4-6, 4-6.

Натижада биринчи кун якунлари бўйича ҳисоб тенг: Покистон - Ўзбекистон - 1:1.

Бугун жуфтликлар ўртасидаги ўйин бўлиб ўтади.

Айсам Қуреши - Денис Истомин - 0:2 (6-7 (17), 1-4)
Оқил Хон - Санжар Файзиев - 2:1 (6-7 (6), 6-4, 6-4)
Оқил Хон/Айсам Қуреши - Санжар Файзиев/Жўрабек Каримов
Оқил Хон - Денис Истомин
Айсам Қуреши - Санжар Файзиев