Bugun jamoani shu kungacha boshqarib kelgan Aleksandr Mochinov bilan shartnoma bekor qilinganligi haqida xabar bergan edik.
Jamoa raxbariyati “So‘g‘diyona” hali sovrinli o‘rinlar uchun kurashishini va xech ham qo‘l ko‘tarmoqchi emasligini isbot qilishda davom etadi. Klub raxbariyati xalqaro maydonda o‘zini ko‘rsata olgan va o‘zbek futbolida o‘z o‘rniga esa bo‘lgan tajribali murabbiy Sergey Lushchanni jamoaga taklif qildi va shartnoma imzoladi.
“Bunyodkor” jamoasi bilan xalqaro maydonlarda ishtirok etib,tajriba to‘plagan murabbiy endilikda o‘zining murabbiylar shtabi va darvozabonlar murabbiyi Igor Mixaylovlar bilan birga “Co‘g‘diyona” boshqaruvida yaxshi natijalarni qo‘lga kiritishiga ishonamiz.
Shu o‘rinda yana bir ma’lumot. Mavsum boshidan buyon “So‘g‘diyona” murabbiylar shtabida faoliyat olib borgan Timur Turdiyev va Mikola Shevchenkolar bilan tuzilgan shartnoma bekor qilindi.
Eslatib o‘tamiz, “So‘g‘diyona” 11 aprel kuni “Navbahor”ga qarshi bahs olib boradi. Ushbu o‘yinda jamoani Sergey Lushchan boshchiligidagi murabbiylar shtabi tayyorlaydi. Biz ularga ushbu o‘yinda omad tilaymiz. Ishonamizki ,Sergey Lushchan va murabbiylar shtabi “So‘g‘diyona”ni g‘alabalar sari yetaklaydi.
“So‘g‘diyona” PFK matbuot xizmati
