“Tottenxem” ustozi Maurisio Pochettino “Real”ning taklifini ko‘rib chiqmoqda.

Ma’lumotlarga ko‘ra, argentinalik mutaxassis yozda “qirollik klubi”dan ketishi mumkin bo‘lgan Zidanning o‘rniga asosiy da’vogar hisoblanadi. Florentino Peres ayni damda fransiyalik mutaxassisning ishidan norozi, unga “Real”ning La Liga chempionligi poygasidan chiqib ketgani va peshqadamdan 15 ochko ortda borayotgani yoqmayapti. Shu bois hatto “Real” ketma-ket uchinchi marta YECHL bosh sovrinini qo‘lga kiritgan taqdirda ham Zidan iste’foga chiqishi mumkin.