"Inter", "Roma" va "Napoli" klublarining sobiq bosh murabbiyi Ottavio Byanki "Yuventus"ning inqirozda ekanini aytdi.

Turinliklar "Napoli"ga o‘z uylarida 0:1 ga yutqazdilar va chempionlik uchun kurashda neapolliklarni o‘zlariga yaqinlashtirib oldilar.

"Yuventus" gol o‘tkazmasa bo‘ladigan vaziyatda o‘tkazib yubordi. Burchak to‘pi tepilayotganda raqib himoyachisini yolg‘iz qoldirish kerakmas. Men bunday o‘yinni kutgan edim, chunki "Yuve" anchadan buyon inqirozda. "Napoli" ham yaxshi formada emas, ammo chempionlik uchun ularda hamma narsa bor.

Men "Napoli"ning chempion bo‘lishini istayman, ammo unutmaslik kerakki muxlislarning fantastik qo‘llab-quvvatlashi ham jamoani chempion qila olmaydi. Jamoa atrofdagi voqealarga chalg‘imay, diqqatini jamlash kerak", - deydi Byanki.