Urganch shahrida og‘ir atletika bo‘yicha o‘smirlar va yoshlar o‘rtasida Osiyo chempionati davom etmoqda.
Biroz avval o‘smirlar o‘rtasida -77 kg vazn toifasida musobaqada ishtirok etgan hamyurtimiz Muhammadqodir Toshtemirov Osiyo chempionatining oltin medaliga sazovor bo‘ldi. Sportchimiz dast ko‘tarishda 141 kg., siltab ko‘tarishda esa 168 kg. tosh ko‘tardi va ikkikurash yakunlariga ko‘ra 309 kg. natija ko‘rsatib, Osiyo chempionligini qo‘lga kiritdi.
Yoshlar o‘rtasida -77 kg vazn toifasidagi bellashuvlarda qatnashgan Umirbay Mavlenov esa musobaqaning kumush medali sohibiga aylandi. Hamyurtimiz dast ko‘tarishda 143 kg., siltab ko‘tarishda esa 170 kg. toshni o‘ziga bo‘ysundira oldi. Ikkikurash yakuniga ko‘ra 313 kg. natija qayd etgan Umirbay Osiyo chempionatining kumush medalini qo‘lga kiritdi.
Shu tariqa, Urganchdagi Osiyo chempionatidagi medallarimiz soni 6taga yetdi. Sportchilarimiz hisobida 3ta oltin va 3ta kumush medali mavjud.
