Xabar berib o‘tganimizdek to‘rtta sport turi bo‘yicha viloyat terma jamoalari o‘rtasida «Olimpiya kelajagi» jamoaviy musobaqalari bo‘lib o‘tmoqda. Kuni kecha ana shunday musobaqalarning boks bo‘yicha hudud bellashuvlari yakuniga yetdi.
Namangan shahri mezbonlik qilgan bahslarda Namangan, Andijon, Farg‘ona va Toshkent viloyati bokschilari o‘zaro kurash olib borishdi. Qizg‘in va murosasiz kechgan bellashuvlar yakuniga ko‘ra Andijon terma jamoasi bokschilari birinchi o‘rinni qo‘lga kiritdilar.
Janglar yakuniga ko‘ra, o‘rinlar quyidagicha taqsimlandi:
1-o‘rin: Andijon viloyati
2-o‘rin: Namangan viloyati
3-o‘rin: Toshkent viloyati
4-o‘rin: Farg‘ona viloyati
Endi Andijon terma jamoasi bokschilari sentyabr oyida o‘tkaziladigan respublika final bosqichi musobaqasida ishtirok etadilar.
