Хабар бериб ўтганимиздек тўртта спорт тури бўйича вилоят терма жамоалари ўртасида «Олимпия келажаги» жамоавий мусобақалари бўлиб ўтмоқда. Куни кеча ана шундай мусобақаларнинг бокс бўйича ҳудуд беллашувлари якунига етди.
Наманган шаҳри мезбонлик қилган баҳсларда Наманган, Андижон, Фарғона ва Тошкент вилояти боксчилари ўзаро кураш олиб боришди. Қизғин ва муросасиз кечган беллашувлар якунига кўра Андижон терма жамоаси боксчилари биринчи ўринни қўлга киритдилар.
Жанглар якунига кўра, ўринлар қуйидагича тақсимланди:
1-ўрин: Андижон вилояти
2-ўрин: Наманган вилояти
3-ўрин: Тошкент вилояти
4-ўрин: Фарғона вилояти
Энди Андижон терма жамоаси боксчилари сентябрь ойида ўтказиладиган республика финал босқичи мусобақасида иштирок этадилар.
